3 Meqabyan 2

The Ethiopic Bible (Ge'ez)

¹ ወእለሰ፡ ስዕንከ፡ አንተ፡ ከመ፡ ኢዮብ፡ ገብርየ፡ አነ፡ አወርሶሙ፡ መንብረ፡ ዚአከ፡ በክብር፡ ለእለ፡ አንተ፡ ለእንኪ፡ አስሕቶ፡ መንግሥተ፡ ሰማያት፡ አዓሥዮሙ፡ ይቤ፡ እግዚአብሔር፡ ዘኵሎ፡ ይመልክ።

² ወአንሰ፡ አጠበቦሙ፡ በኵሉ፡ ለደቂቀ፡ አዳም፡ ወኢየኃድጎሙ፡ ይቁሙ፡ ውስተ፡ ሠናይ፡ ምግባር፡ ለእመ፡ ክህልከ፡ አስሕቶቶሙ፡ እስመ፡ አነ፡ እጠበቦሙ፡ በኵሉ፡ ለደቂቀ፡ አዳም፡ ወአስተጥዕም፡ ሎሙ፡ ውስተ፡ ፍትወተ፡ ዓለም።

³ ወእመኒ፡ በፍትወተ፡ መባልዕት፡ ወበፍትወተ፡ ስታይ፡ ወአፍቀሮ፡ አራዝ፡ ወእመሂ፡ በአፍቅሮ፡ ነገር፡ ወውሂብ፡ ወበነሢእ።

⁴ ወለ፡ እመኒ፡ በአፍቅሮ፡ ነጽሮ፡ ወበአፍቅሮ፡ ሰሚዕ፡ ወአፍቅሮ፡ ሐዊር፡ ወገሢሦ፡ ወአመኒ፡ በአብዝኆ፡ ነገር፡ በትዕቢት፡ ወአፍቅሮ፡ ንዋም፡ ወሕልም።

⁵ ወእመኒ፡ በአብዝኆ፡ ስታይ፡ ወሰካር፡ ወእመሂ፡ በርእየተ፡ ላህያት፡ አንስተ፡ ዝዓለም፡ ወፂና፡ መዓዛተ፡ ያስሕቶሙ።

⁶ ወእመሂ፡ በሐሚተ፡ ቢጾሙ፡ በፅልዕ፡ ወእመሂ፡ በርዕየተ፡ ላህያት፡ አንስተ፡ ዝዓለም፡ ወፂና፡ መዓዛተ፡ ያስሕቶሙ።

⁷ ወበዝንቱ፡ ኵሉ፡ አነ፡ እትቃረኖሙ፡ ከመ፡ ኢይክኃሉ፡ ድኂነ፡ ወአግኅሦሙ፡ እምፍኖተ፡ እግዚአብሔር፡ ከመ፡ ይባቡ፡ ምስሌየ፡ ውስተ፡ ኃጕል፡ ዘበእንቲአሆሙ፡ ተሰደድኩ፡ እመንበርየ።

⁸ ወይቤ፡ ነቢይ፡ አንተ፡ ኃጕል፡ ወመኅጐሊ፡ ከመዝኑ፡ ትትዔበይ፡ ላዕለ፡ ልሕኵተ፡ እግዚ፡ አብሔር፡ ሶበ፡ አንተ፡ በለውከ፡ ትእዛዘ፡ እግዚአብሔር፡ በትዕቢትከ፡ ወበግዝፈተ፡ ልብከ፡ ወበአምዕዖ፡ ፈጣሪከ፡ ወኢሰብሖ፡ አምላክከ።

⁹ ወሶበ፡ ተምዓከ፡ ውእቱ፡ ፈጣሪከ፡ ገደፈከ፡ በእንተ፡ እከየ፡ ምግባሪከ፡ ወለምንት፡ ትትማልዖ፡ ለምስኪን፡ ዘፈጠሮ፡ አምላኩእመሬት፡ ወሐመድ፡ ወገብር፡ በከመ፡ ፈቃደ፡ ወአንበሮ፡ ለስብሐቲሁ።

¹⁰ ወሶበ፡ አንተ፡ መንፈሳዊ፡ ተዓበይከ፡ በብሂለ፡ አምላክ፡ ዘፈጠረከ፡ እምነበልባለ፡ እሳት፡ ወነፋስ።

¹¹ ወሶበ፡ አንተ፡ ትትሜካህ፡ ነጸረ፡ እግዚአብሔር፡ እከየ፡ ምግባሪከ፡ ወፈጠረ፡ ዘማሬ፡ ህየንተ፡ ዘአኮ፡ ከመ፡ ይስብሕ፡ ስሞ፡ ዘእንበለ፡ እንትጎ፡ እስመ፡ አንተ፡ ምስለ፡ አጋንንቲከ፡ ዓለውከ፡ ትእዛዘ፡ እግዚአብሔር።

¹² ወአዳምኒ፡ ምስለ፡ ደቂቁ፡ ከመ፡ ይሰብሑ፡ ስመ፡ እግዚአብሔር፡ ህየንተ፡ ስብሐተ፡ ዚአከ፡ ምስለ፡ ሠራዊትከ፡ እለ፡ መነነ፡ እግዚአብሔር፡ በእንተ፡ ትዕቢትከ፡ እስመ፡ አንተ፡ አዕበየከ፡ ርእሰከ፡ እምኵሎሙ፡ መላእክት፡ እምእለ፡ ከማከ፡ ሠራዊተ፡ መላእክት።

¹³ ወበእንተዝ፡ ነሠተከ፡ እግዚአብሔር፡ እምኵሎሙ፡ ሊቃነ፡ መላእክት፡ እለ፡ ከማከ፡ ወሠራዊትከኒ፡ እለ፡ ተፈጥሩ፡ ምስሌከ፡ በ ምክር፡ ስሕትክሙ፡ እምስብሐተ፡ እግዚ፡ አብሔር፡ በእንተ፡ ግዝፈተ፡ አልባቢክሙ፡ ወትዕቢተ፡ ሕሊናክሙ፡ ዘአልቦ፡ ባቍዕ፡ ወተዓበይክሙ፡ ላዕለ፡ ፈጠረክሙ፡ ወአኮ፡ ላዕለ፡ ባዕድ።

¹⁴ ወበእንተዝ፡ ከመ፡ ይስባሕ፡ በትሑታን፡ ፈጠሮ፡ ለአዳም፡ እምነ፡ መሬተ፡ ምድር፡ ወወሀቦ፡ ሕገ፡ ወትእዛዘ፡ ከመ፡ ኢይብልዕ፡ እምፍሬ፡ ዕፅ።

¹⁵ ወሤሞ፡ ላዕለ፡ ኵሉ፡ ዘፈጠረ፡ ወአለበዎ፡ እንዘ፡ ይብል፡ ብላዕ፡ እምኵሉ፡ ዕፅ፡ ዘውስተ፡ ገነት፡ ወእምአሐቲ፡ ዕፅ፡ ሦከ፡ ሞት፡ ኢትብላዕ፡ እምኔሃ፡ ከመ፡ ኢታምጽኦ፡ ሞተ፡ ላዕለ፡ ርእሰከ።

¹⁶ ወሶበ፡ ሰማዕካ፡ ለዛቲቃል፡ ቂዕከ፡ ኅምዘ፡ እምዘአፉከ፡ ላዕለ፡ ሔዋን፡ ዓፅመ፡ ገቦሁ፡ ለአዳም።

¹⁷ ወተፈየትኮ፡ ለበግዕ፡ ንጹሕ፡ በህብል፡ እኩይ፡ ከመ፡ ተረሰዮ፡ ከማከ፡ ተዓደዊ፡ ትእዛዘ።

¹⁸ ወሶበ፡ አስሐትካ፡ ለሔዋን፡ እንተ፡ ተፈጥረት፡ ከመ፡ ርግብ፡ የዋሕ፡ እንተ፡ ኢተአምር፡ ዚአከ፡ አስሐትካ፡ በጠዋይ፡ ቃልከ፡ ወበከዋው፡ ነገርከ፡ ወአምድኅረ፡ እስሐትካ፡ ለይእቲ፡ ቀዳሚት፡ ልሁኵት፡ ወይእቲ፡ ሐዊራ፡ አስሐተቶ፡ ለልሕኵተ፡ እግዚአብሔር፡ ቀዳማዊ፡ ብእሲ፡ ዘተፈጥረ፡ እመሬት።

¹⁹ ወበትዕቢተ፡ ዚአከ፡ ቶሳሕካሁ፡ ውስተ፡ ዘኢኮነ፡ ሁከተ፡ ወረሰይካሁ፡ ከመ፡ ይዕሉ፡ ቃለ፡ ፈጣሪሁ፡ ወበትዕቢተ፡ ዚአከ፡ አውዓይካሁ፡ ለነዳይ።

²⁰ ወበእከየ፡ ዚአከ፡ አርኃቃሁ፡ እምፍቅረ፡ አምላኩ፡ ወበምክንያተ፡ ዚአከ፡ አውፆዕካሁ፡ እምገነተ፡ ትፍሥሕት፡ ወበዕቅፍት፡ ዚአከ፡ አኀደጋሁ፡ እምበልዓ፡ ገነት።

²¹ ወሐሰተ፡ ዚአከ፡ አጽማዕከሁ፡ እምስታየ፡ ገነተ፡ እስመ፡ አንተ፡ ተፃረርካሁ፡ እምትካት፡ ለየዋህ፡ ልሕኵት፡ ከመ፡ ታወርደ፡ ውስተ፡ ሞተ፡ ዚአከ፡ ሲኦል፡ ወከመ፡ ታውጽኦ፡ እምፍቅረ፡ አምላኩ፡ ዘአምጽኦ፡ እምኀበ፡ ኢሀሎ፡ ውስተ፡ ሀልዎ፡ ዘበአማን።

²² ወእንዘ፡ መሬታዊ፡ ረሰዮ፡ መንፈሳዊ፡ ወነባቢ፡ ዘይሴብሕ፡ ወይዜምር፡ ለአምላኩ፡ በነፍሱ፡ ወበሥጋሁ፡ ወበሕሊናሁ።

²³ ወፈጠረ፡ ሎቱ