3 Мекабіян 3

Ефіопська Біблія (ґеез)

¹ ወለከሰ

² ወለአድምሰ፡ ትውህቡ

³ ወካዕበ፡ ቦሙ፡ ተሐዋስያን፡ ሕሊናተ፡ ከመ፡ ሞገዳተ፡ ባሕር፡ ወከመ፡ ነፋስ፡ ዓውሎ፡ ዘይነሥእ፡ ፀበለ፡ እምነ፡ ምድር፡ ወከመ፡ ሞገደ፡ ባሕር፡ ዘይዘብጣ፡ ነፋስ፡ ወከመ፡ ነጠብጣበ፡ ዝናም፡ ዘኢይትኋለቍ፡ ከማሁ፡ ሕሊናሁ፡ ለአዳም፡ እምብዝኃ፡ ሕሊናተ፡ ዘውስተ፡ ልቡ፡ ዘኢይትኋለቍ።

⁴ ወለከሰ፡ አሐቲ፡ ሕሊና፡ ወአልቦ፡ ባዕድ፡ እስመ፡ ኢኮንከ፡ ዘሥጋ።

⁵ ወአንተሰ፡ አማሰንኮ፡ ለዘ

⁶ ወመጽአተ፡ ወአስሐተቶ፡ ለቀዳማዊ፡ ልሕኵቱ፡ ለእግዚአብሔር፡ በበሊዓ፡ ዕፅ፡ ወአምጽአት፡ ሞተ፡ ላዕሌሃ፡ ወላዕለ፡ ደቂቃ፡ በእንተ፡ ዘተዓደወት፡ ትእዛዘ፡ ፈጣሪሃ።

⁷ ወበኵነኔ፡ ጽድቁ፡ ለእግዚአብሔር፡ ወጽኡ፡ እምገነት፡ ወኢያርኃቆሙ፡ ተባኢሶ፡ እምገነት፡ አላ፡ ናዘዞሙ፡ በምድር፡ እንተ፡ ሰደዶሙ፡ በውሉዶሙ፡ ወበፍሬ፡ ከርሦሙ፡ ወበፍሬ፡ ምድሮሙ።

⁸ ወሶበ፡ አውፃዕካሆሙ፡ በቅንዓት፡ እምገነት፡ ወሀቦሙ፡ እግዚአብሔር፡ እምዕፀ፡ ገነት፡ ሐመልሚላተ፡ ሰበዎተ፡ ከመ፡ ይትከሉ፡ ወይትናዘዙ፡ በፍሬ፡ ገነት፡ ወበፍሬሃ፡ ለምድር፡ ዘወሀቦሙ፡ እግዚአብሔር።

⁹ ከመ፡ ይትናዘዙ፡ ወየሐደሱ፡ ልቦሙ፡ ፈድፋደ፡ በርእየ፡ ውሉደ፡ ወበርእየ፡ ገነት፡ ወበፍሬሃ፡ ለምድር፡ ዘአብቈለት፡ ምድረ፡ እምሐመድ፡ ወሶበ፡ ይበልዑ፡ ኪያሁ፡ ይትናዘዙ፡ ፈድፋደ፡ እምኃዘን፡ እንተ፡ አውፃዕካሆሙ፡ እምገነተ።

¹⁰ ወይትናዘዙ፡ በአልባቢሆሙ፡ በእንተ፡ ውሉድ፡ ወበፍሬ፡ ምድር፡ እስመ፡ የአምር፡ እግዚ፡ አብሔር፡ ናዝዞ፡ ልሕኵቱ።

¹¹ ወይሔድስ፡ ልቦሙበእክል፡ ወበማይ፡ እስመ፡ ሰዱዳነ፡ ኮኑ፡ ውስተ፡ ዛቲ፡ ምድረ፡ ሦክ፡ ወአሜከላ።