3 Мекабіян 6

Ефіопська Біблія (ґеез)

¹ ወተዘከሩ፡ ዕለተ፡ ሞትክሙ፡ ወሐልደዋ፡ ለእንተ፡ ትመጽአክሙ፡ አመ፡ ትወጽእ፡ ነፍስ፡ ክሙ፡ እምሥጋክሙ፡ ወአመ፡ ተኃድጉ፡ ለባዕድ፡ ብዕለክሙ፡ ወትሐውሩ፡ ፍኖተ፡ ኀበ፡ ኢተአምሩ።

² ወእለ፡ ይትሜጠዉክሙኒ፡ ፀዋጋን፡ እሙንቱ፡ ወኅሡማን፡ በራዕዮሙ፡ ወመፍርሃን፡ በግርማሆሙ፡ ወኢይሰምዑ፡ ቃለክሙ፡ ወኢተሰምዑ፡ ቃሎሙ።

³ ወሶበሂ፡ ለአልክምዎሙ፡ ኢይሠጠውክሙ፡ በእንተ፡ ዘኢገብርክሙ፡ ፈቃደ፡ እግዚአብ፡ ሔር፡ አምላክክሙ፡ ወበእንተዝኪ፡ ይፈርሁክሙ፡ ፈድፋደ።

⁴ ወእለሰ፡ ገብሩ፡ ፈቃዶ፡ ለእግዚአብሔር፡ አልቦሙ፡ ፍርሃት፡ እስመ፡ እሙንቱ፡ ይፈርህ፡ ዎሙ፡ ወለነፍስ፡ ኃጥአንሰ፡ ይሣለቅዎሙ፡ አጋንንት።

⁵ ወለነፍሳተ፡ ጻድቃንሰ፡ ይትፌሥሑ፡ በይባቤ፡ መላእክት፡ እስመ፡ ያስተፌሥሖሙ፡ ፈድፋደ፡ በእንተ፡ ዘመነንዎ፡ ለዝንቱ፡ ዓለም፡ ወለነፍሳተ፡ ኃጥአንሰ፡ ይትሜጠውዎሙ፡ መላእክተ፡ ጸዋጋን።

⁶ ወለነፍሳተ፡ ጻድቃንሰ፡ ወሔራን፡ ይትሜጠውዎሙ፡ መላእክተ፡ ምሕረት፡ እስመ፡ እምኀበ፡ እግዚአብሔር፡ ይትፌነዉ፡ ከመ፡ ይናዝዝዎሙ፡ ለነፍሳተ፡ ጻድቃን፡ ወለነፍሳተ፡ ኃጥአንሰ፡ እስመ፡ እምኀበ፡ ዲያብሎስ፡ ይትፌነዉ፡ መላእክት፡ ፀዋጋን፡ ከመ፡ ይሳለቅዎን፡ ለነፍሳተ፡ ኃጥአን።

⁷ አሌ፡ ለክሙ፡ ኃጥአን፡ ብኩ፡ ላዕለ፡ ርእስክሙ፡ እምቅድመ፡ ትብጻሕክሙ፡ ዕለተ፡ ሞትክሙ፡ እስመ፡ እምድኅረ፡ ሞትክሙሰ፡ ኢይገብዕ፡ መዋዕሌክሙ፡ ዘኃለፈ።

⁸ አላ፡ ዘእንበለ፡ ይኅልፍ፡ መዋዕሊክሙ፡ ነስሑ፡ በዘሀሎክሙ፡ ከመ፡ ትኩኑ፡ ዘእንበለ፡ ደዌ፡ ወሕማም፡ አመ፡ ትበጽሑ፡ ቅድመ፡ እግዚአብሔር፡ በፍሥሐ።

⁹ ወኢይከውን፡ ላዕሌክሙ፡ ነውር፡ እኩ፡ ወሕንቋቌ፡ ወአፍቅሮ፡ ተድላ፡ ወመባልዕት፡ ከመ፡ ኢይስሐብክሙ፡ ውስተ፡ ፍትወተ፡ ከንቱ፡ ዘያርኅቅ፡ እምእግዚአብሔር፡ እስመ፡ ነፍስ፡ ጽግብት፡ ዘእንበለ፡ ዓቅም፡ ኢትዜከር፡ ስመ፡ እግዚአብሔር፡ ወኢየኃድር፡ ላዕሌሃ፡ መንፈሰ፡ ሕይወት፡ አላ፡ የኃድር፡ ላዕሌሃ፡ መንፈስ፡ ዲያብሎስ።

¹⁰ በከመ፡ ይቤ፡ ሙሴ፡ በልዓ፡ ያዕቆብ፡ ወፀግበ፡ ወሰብሐ፡ ወገዝፈ፡ ወርኀበ፡ ወኀደጎ፡ እግዚአብሔር፡ ፈጣሪሁ።

¹¹ ወርኅከ፡ እምእግዚአብሔር፡ ሕይወቱ፡ እስመ፡ ምልዓተ፡ ከርሥ፡ ዘእንበለ፡ ዓቅም፡ ከመ፡ ሃለሌ፡ ፈረስ፡ ወከመ፡ ሐራውያን፡ ዘገዳም፡ በሊዕ፡ ወሰትይ፡ ዘእንበለ፡ ዓቅም፡ ወዝሙት።

¹² ወዘሰ፡ ኢይመልዕ፡ ከርሦ፡ በመሠረተ፡ እግዚአብሔር፡ ፅኑዕ፡ ወከመ፡ ዓረፍተ፡ አድማስ፡ ወከመ፡ ንድቅ፡ ጽኑዕ፡ ዘቦቱ፡ ቅጽር፡ እስመ፡ ይቤ፡ ይጐይይ፡ ረሲዕ፡ እንዘ፡ አልቦ፡ ዘይሰ፡ ድደ።

¹³ ወጽድቅሰ፡ ከመ፡ አንበሳ፡ ውኩል።

¹⁴ ወእለሰ፡ ኢያፈቅርዎ፡ ለእግዚአብሔር፡ ቃሎኒ፡ ኢየዓቅቡ፡ ወልቦሙኒ፡ ኢኮነ፡ ርቱዓ።

¹⁵ ወእግዚአብሔር፡ ይሁቦሙ፡ ድንጋፄ፡ ወኀዘን፡ እንዘ፡ ሀለዉ፡ በዲበ፡ ምድር፡ ክመ፡ ኢያዕርፉ፡ በፍርሃት፡ ወበረዓድ፡ ወበመሢጠ፡ ንዋዮሙ፡ ወበምንዳቤያት፡ ብዙኅ፡ ዘአልቦ፡ ኊልቍ፡ ወበሰናስል፡ ዘውስተ፡ እደዊሆሙ፡ እምእደ፡ አጋዕዝቲሆሙ።

¹⁶ ወበሕማማት፡ ዘዘዚአሆሙ፡ ዘያደነግፁ፡ ከመ፡ ኢይኩኑ፡ ዕሩፋነ፡ ወኢበሰላም፡ ንብረ፡ ቶሙ።