Jubilees 32

The Ethiopic Bible (Ge'ez)

¹ ወኀደረ፡ በይእቲ፡ ሌሊት፡ ውስተ፡ ቤቴል፡ ወሐለመ፡ ሌዊ፡ ከመ፡ ሤምዎ፡ ወረሰይዎ፡ ለክህነት፡ ለአምላክ፡ ልዑል፡ ኪያሁ፡ ወውሉዶ፡ እስከ፡ ለዓለም።

² ወጌሰ፡ ያዕቆብ፡ በነግህ፡ አመ፡ ዐሡሩ፡ ወረቡዑ፡ ለዝ፡ ወርኅ።

³ ወበውእቶን፡ መዋዕል፡ ፀንሰት፡ ይእቲ፡ ራሔል፡ ብንያምሃ፡ ወልዳ፡ ወኆለቈ፡ እምኔሁ፡ ያዕቆብ፡ ወልዶ።

⁴ ወአመ፡ ወሡሩ፡ ወኀሙሱ፡ ለዝ፡ ወርኅ፡ አብአ፡ ውስተ፡ ምሥዋዕ፡ አስዋረ፡ እምአልህምት፡ ዐሠርተ፡ ወአርባዕተ፡ ወአብሐኰ፡ ዕሥራ፡ ወሰማኒተ፡ ወአባግዐ፡ አርብዓ፡ ወተስዐተ፡ ወመሓስአ፡ ስሳ፡ ወመሓስአ፡ ጠሊ፡ ዕሥራ፡ ወተስዐተ፡ ጽንሐሐ፡ ውስተ፡ ምሥዋዕ፡ ወቍርባነ፡ ሥሙረ፡ ለመዓዛ፡ ሠናይ፡ ቅድመ፡ አምላክ።

⁵ ዝውእቱ፡ መባኡ፡ እምጸሎት፡ እንተ፡ ጸለየ፡ ከመ፡ የዐሥር፡ ምስለ፡ መሥዋዕቶሙ፡ ወለሞጻሕቶሙ።

⁶ ወሶበ፡ በልዖ፡ እሳት፡ የዐጥን፡ ስኂነ፡ ዲቤሁ፡ ለእሳት፡ መልዕልቶ።

⁷ ወሀሎ፡ እንዘ፡ ይበልዕ፡ ውእቱ፡ ወኵሎሙ፡ ውሉዱ፡ ወሰብኡ፡ በፍሥሓ፡ በህየ፡ ሰቡዐ፡ መዋዕለ፡ ወይባርኮ፡ ወያአኵቶ፡ ለእግዚአብሔር፡ ለዘ፡ ባልሖ፡ እምኵሉ፡ ምንዳቤሁ፡ ወለዘ፡ ወሀቦ፡ ጸሎቶ።

⁸ ወዐሠረ፡ ኵሎ፡ እንስሳ፡ ንጹሐ፡ ወገብሮ፡ ጽንሐሐ፡ ወእንስሳ፡ ርኩሰ፡ ወሀቦ፡ ለሌዊ፡ ወልዱ፡ ወነፍሳተ፡ ሰብእ፡ ኵሎ፡ ወሀቦ።

⁹ ወተክህነ፡ ሌዊ፡ በቤቴል፡ ቅድመ፡ ያዕቆብ፡ አቡሁ፡ እምዐሠርቱ፡ አኃዊሁ፡ ወሀሎ፡ ህየ፡ ካህነ።

¹⁰ ወበእንተዝ፡ ሥሩዕ፡ ውስተ፡ ጽላተ፡ ሰማይ፡ ሕግ፡ ለዐሥሮ፡ ዓሥራት፡ ካዕበ፡ ለበሊዖቱ፡ በቅድመ፡ እግዚአብሔር፡ በመካን፡ በኀበ፡ ተኀርየ፡ ይኅድር፡ ስሙ፡ ላዕሌሁ፡ ዓም፡ እምዓም።

¹¹ ውእቱ፡ ሥርዐት፡ ጽሑፍ፡ ለገቢሮቱ፡ ዓመት፡ እምዓመት፡ ለበሊዐ፡ ዓሥራት፡ ዳግመ፡ ቅድመ፡ እግዚአብሔር፡ በመካን፡ በኀበ፡ ተኀርየ።

¹² እስመ፡ በዓመቲሁ፡ ይትበላዕ፡ ዘርእ፡ እስከ፡ አመ፡ መዋዕለ፡ ሐሪፍ፡ ዘርአ፡ ዓመት፡ ወወይን፡ እስከ፡ አመ፡ መዋዕለ፡ ወይን፡ ወለዘይት፡ እስከ፡ አመ፡ መዋዕለ፡ ጊዜ፡ መዋዕሊሁ።

¹³ ኵሉ፡ ዘይተርፍ፡ እምኔሁ፡ ወዘይበሊ፡ ይኩን፡ ስኡበ፡ በእሳት፡ የዐይ፡ እስመ፡ ኮነ፡ ርኩሰ።

¹⁴ ወከማሁ፡ ይብልዕዎ፡ ኅቡረ፡ በቤት፡ ቅዱስ፡ ወኢያብልይዎ።

¹⁵ ወኵሉ፡ ዓሥራተ፡ ላህም፡ ወአባግዕ፡ ቅዱስ፡ ለእግዚአብሔር፡ ወለካህናቲሁ፡ ይኩን፡ ዘይበልዑ፡ በቅድሜሁ፡ ዓመት፡ እምዓመት።

¹⁶ ወበሌሊት፡ ካልእት፡ አመ፡ ዕሥራ፡ ወሰኑዩ፡ ለመዋዕለ፡ ዝወርኅ፡ መከረ፡ ያዕቆብ፡ ከመ፡ ይሕንጽ፡ ውእተ፡ መካነ፡ ወከመ፡ ይጥቅም፡ ዐጸደ፡ ወይቀድሶ፡ ወከመ፡ ይግበሮ፡ ቅዱሰ፡ ዘለዓለም፡ ሎቱ፡ ወለውሉዱ፡ እስከ፡ ለዓለም፡ እምድኅሬሁ።

¹⁷ ወአስተርአዮ፡ እግዚአብሔር፡ በሌሊት፡ ወባረኮ፡ ወይቤሎ፡ ኢይጸዋዕ፡ ስምከ፡ ያዕቆብሃ፡ ባሕቲቶ፡ አላ፡ እስራኤልሃ፡ ይሰምዩ፡ ስምከ።

¹⁸ ወይቤሎ፡ ካዕበ፡ አነ፡ ውእቱ፡ እግዚአብሔር፡ ዘፈጠርኩ፡ ሰማየ፡ ወምድረ፡ ወአልህቀከ፡ ወአበዝኀከ፡ ፈድፋደ፡ ጥቀ፡ ወነገሥት፡ እምኔከ፡ ይከውኑ፡ ወይኴንኑ፡ በኵለሄ፡ ወእደ፡ ኬደ፡ አሰረ፡ ውሉደ፡ ሰብእ።

¹⁹ ወእሁብ፡ ለዘርእከ፡ ኵላ፡ ምድረ፡ ዘመትሕተ፡ ሰማይ፡ ወይኴንኑ፡ ውስተ፡ ኵሉ፡ አሕዛብ፡ በከመ፡ ፈቀዱ፡ ወእምድኅረዝ፡ ያስተጋብኡ፡ ኵላ፡ ምድረ፡ ወይወርስዋ፡ ለዓለም።

²⁰ ወፈጸመ፡ ተናገሮ፡ ምስሌሁ፡ ወዐርገ፡ እምኀቤሁ፡ ወይሬኢ፡ ያዕቆብ፡ እስከ፡ ሶበ፡ ዐርገ፡ ውስተ፡ ሰማይ።

²¹ ወርእየ፡ በራእየ፡ ሌሊት፡ ወናሁ፡ መልአክ፡ ይወርድ፡ እምሰማይ፡ ወሰብዑ፡ ሰሌዳት፡ ውስተ፡ እደዊሁ፡ ወወሀቦ፡ ለያዕቆብ፡ ወአንበቦን፡ ወአንበበ፡ ኵሎ፡ ዘጽሑፍ፡ ውስቴቶን፡ ዘይከውን፡ ሎቱ፡ ወለውሉዱ፡ በኩሉ፡ ዓለማት።

²² ወአርአዮ፡ ኵሎ፡ ዘጽሑፍ፡ ውስተ፡ ሰሌዳት፡ ወይቤሎ፡ ኢትሕንጽ፡ ዘንተ፡ መካነ፡ ወኢትግበሮ፡ መቅደሰ፡ ዘለዓለም፡ ወኢትኅድር፡ ዝየ፡ እስመ፡ አኮ፡ ዝመካን።

²³ እስመ፡ በግብጽ፡ ትመውት፡ በሰላም፡ ወበዛ፡ ምድር፡ ትትቀበር፡ በክብር፡ ውስተ፡ መቃብረ፡ አበዊከ፡ ምስለ፡ አብርሃም፡ ወይስሐቅ።

²⁴ ኢትፍራህ፡ እስመ፡ በከመ፡ ርኢከ፡ ወአንበብከ፡ ከማሁ፡ ይከውን፡ ኵሉ፡ ወአንተሂ፡ ጸሐፍ፡ ኵሎ፡ ዘከመ፡ ርኢከ፡ ወአንበብከ።

²⁵ ወይቤ፡ ያዕቆብ፡ እግዚኦ፡ እፎ፡ እዜከር፡ ዘከመ፡ አንበብኩ፡ ወርኢኩ፡ ኵሎ።

²⁶ ወዐርገ፡ እምኀቤሁ።

²⁷ ወገብረ፡ በህየ፡ ዓዲ፡ ዕለተ፡ አሐተ፡ ወሦዐ፡ ባቲ፡ በከመ፡ ኵሉ፡ ዘይሠውዕ፡ በመዋዕለ፡ ቀዳሚያት፡ ወጸውዐ፡ ስማ፡ ቶሳከ፡ እስመ፡ ተወሰከት፡ ይእቲ፡ ዕለት፡ ወለቀዳሚያት፡ ጸውዖን፡ በዓለ።

²⁸ ወከመዝ፡ ያስተርኢ፡ ውእቱ፡ ከመ፡ ትኩን፡ ወጽሑፍ፡ ውስተ፡ ጽላተ፡ ሰማይ።

²⁹ ወተጸውዐ፡ ስማ፡ ቶሳከ፡ እስመ፡ እንተ፡ ያዐርጉ፡ ይእቲ፡ በስምዐ፡ መዋዕለ፡ በዓል፡ በከመ፡ ኆልቈ፡ መዋዕል፡ ዘዓመት።

³⁰ ወበሌሊት፡ አመ፡ ዕሥራ፡ ወሠሉሱ፡ ለዝ፡ ወርኅ፡ ሞተት፡ ዲቦራ፡ ሐፃኒተ፡ ርብቃ፡ ወቀበርዋ፡ መትሕተ፡ ሀገር፡ ታሕተ፡ ባላን፡ ዘፈለግ፡ ወጸውዐ፡ ስሞ፡ ለውእቱ፡ መካን፡ ፈለገ፡ ዲቦራ፡ ወበላኖንሃ፡ በላኖን፡ ለሐ፡ ዲቦራ።

³¹ ወሖረት፡ ርብቃ፡ ወገብአት፡ ውስተ፡ ቤት፡ ኀበ፡ አቡሁ፡ ይስሐቅ።

³² ወሖረ፡ እምድኅሬሃ፡ ለእሙ፡ እስከ፡ ቀርበ፡ ምድረ፡ ከብራታን፡ ወኀደረ፡ ህየ።

³³ ወወለደት፡ ራሔል፡ በሌሊት፡ ወልደ፡ ወጸውዐት፡ ስሞ፡ ወልደ፡ ሕማምየ፡ እስመ፡ ዐጸበት፡ ሶበ፡ ትወልዶ፡ ወአቡሁሰ፡ ጸውዐ፡ ስሞ፡ ብንያምሃ።

³⁴ ወሞተት፡ በህየ፡ ራሔል፡ ወተቀብረት፡ ውስተ፡ ምድረ፡ ኤፍራታ፡ እንተ፡ ይእቲ፡ ቤተ፡ ልሔም።