Jubilees 4

The Ethiopic Bible (Ge'ez)

¹ ወበሣልስ፡ ሱባዔ፡ በካልእ፡ ኢዮቤልዉ፡ ወለደቶ፡ ለቃየን፡ ወበራብዕ፡ ወለደቶ፡ ለአቤል።

² ወበቀዳሚሁ፡ ለኢዮቤልዉ፡ ሣልስ፡ ቀተሎ፡ ቃየን፡ ወልደ፡ በታስዕ፡ ኢዮቤልዉ፡ በሱባዔ፡ ቀዳሚ፡ በሣልስ፡ ዓመት፡ በሱባዔሁ፡ ለዝ፡ ወጸውዐ፡ ስሞ፡ መላልኤል።

¹⁵ ወበካልእ፡ ሱባዔ፡ ዘዓሥር፡ ኢዮቤልዉ፡ ነሥአ፡ ሎቱ፡ መላልኤል፡ ብእሲተ፡ ዲናሃ፡ ወለተ፡ በራክኤል፡ ወለተ፡ እኅተ፡ አቡሁ፡ ሎቱ፡ ብእሲተ።

¹⁶ ወበዓሥር፡ ወአሐዱ፡ ኢዮቤልዉ፡ ነሥአ፡ ሎቱ፡ ያሬድ፡ ብእሲተ፡ ወስማ፡ ባረከ፡ ወለተ፡ ራሱእያል፡ ወለተ፡ እኅተ፡ አቡሁ፡ ሎቱ፡ ብእሲተ፡ በሱባዔ፡ ራብዕ፡ ዘኢዮቤልዉ፡ ዝንቱ።

¹⁷ ውእቱ፡ ቀዳሚ፡ ተምህረ፡ መጽሐፈ፡ ወትምህርተ፡ ወጥበበ፡ እምእጓለ፡ እመሕያው፡ እምእለ፡ ተወልዱ፡ ዲበ፡ ምድር።

¹⁸ ውእቱ፡ ቀዳሚ፡ ጸሐፈ፡ እምዐ፡ ወአስምዐ፡ ለደቂቀ፡ እጓለ፡ እመሕያው፡ ውስተ፡ ትዝምደ፡ ምድር፡ ወሱባዔሆሙ፡ ለኢዮቤልዉሳት፡ ነገረ፡ ወመዋዕለ፡ ዓመታት፡ አይድዐ፡ ወአውራኃተ፡ ሠርዐ፡ ወሰንበታተ፡ ዓመታት፡ ነገረ፡ በከመ፡ አይዳዕናሁ።

¹⁹ ወዘኮነ፡ ወዘይከውን፡ ርእየ፡ በራእየ፡ ንዋሙ፡ ዘከመ፡ ይከውን፡ ዲበ፡ ደቂቀ፡ እጓለ፡ እመሕያው፡ በትውልዶሙ፡ እስከ፡ አመ፡ ዕለተ፡ ደይን፡ ኵሎ፡ ርእየ፡ ወአእመረ።

²⁰ ወበዐሠርቱ፡ ወክልኤቱ፡ ኢዮበቤልዉ፡ በሳብዕ፡ ሱባዔሁ፡ ሎቱ፡ ነሥአ፡ ሎቱ፡ ብእኢተ፡ ወስማ፡ እድኒ፡ ወለተ፡ ዳንኤል፡ ወለተ፡ እኅተ፡ አቡሁ፡ ሎቱ፡ ብእሲተ።

²¹ ወሀሎ፡ እንከ፡ ምስለ፡ መላእክተ፡ አምላክ፡ ስድስተ፡ ዘኢዮቤልዉሳት፡ ዓመታተ።

²² ወአስምዐ፡ ለትጉሃን፡ ለእለ፡ አበሱ፡ ምስለ፡ አዋልደ፡ ሰብእ።

²³ ወተንሥአ፡ እማእከለ፡ ደቂቀ፡ እጓለ፡ እመሕያው፡ ወወሰድናሁ፡ ውስተ፡ ገነተ፡ ኤዶም፡ ለዕበይ፡ ወለክብር።

²⁴ ወበእንቲአሁ፡ ኢመጽአ፡ ማየ፡ አይኅ፡ ዲበ፡ ኵሉ፡ ምድረ፡ ኤዶም፡ እስመ፡ ህየ፡ ተውህበ፡ ውእቱ፡ ለትእምርት፡ ወከመ፡ ያስምዕ፡ ላዕለ፡ ኵሉ፡ ደቂቀ፡ ሰብእ፡ ከመ፡ ይንግር፡ ኵሎ፡ ግብረ፡ ትውልድ፡ እስከ፡ አመ፡ ዕለተ፡ ደይን።

²⁵ ወውእቱ፡ ዐጠነ፡ ዕጣነ፡ ምሴተ፡ መቅደስ፡ ዘይሰጠው፡ ቅድመ፡ እግዚአብሔር፡ በደብረ፡ ቀትር።

²⁶ እስመ፡ አርባዕቱ፡ መካን፡ በዲበ፡ ምድር፡ ለእግዚአብሔር፡ ገነተ፡ ኤዶም፡ ወደብረ፡ ጽባሕ፡ ወዝደብር፡ ዘሀሎከ፡ አንተ፡ ውስቴቱ፡ ደብረ፡ ሲና፡ ዮም፡ ወደብረ፡ ጽዮን፡ ይትቄደስ፡ በፍጥረት፡ ሐዳስ፡ ለቅዳሴ፡ ምድር፡ በእንተዝ፡ ትትቄደስ፡ ምድር፡ እምኵሉ፡ አበሳ፡ ወእምርኵሳ፡ በትውልደ፡ ዓለም።

²⁷ ወበኢዮቤልዉ፡ ዘውእቱ፡ ዓሥር፡ ወራብዕ፡ ኢዮቤልዉ፡ ነሥአ፡ ማቱሳላ፡ እድናሃ፡ ብእሲቶ፡ ወለተ፡ እዝራኤል፡ ወለተ፡ እኅተ፡ አቡሁ፡ ብእሲተ፡ ሎቱ፡ በሱባዔ፡ ሣልስ፡ በዓመት፡ አሐዱ፡ ዘውእቱ፡ ዓመት፡ ወወለደ፡ ወልደ፡ ወጸውዐ፡ ስሞ፡ ላሜክ።

²⁸ ወበዓሥር፡ ወኃምስ፡ ኢዮቤልዉ፡ በሱባዔ፡ ሣልስ፡ ነሥአ፡ ላሜክ፡ ብእሲተ፡ ወስማ፡ ቤተኖስ፡ ወለተ፡ በራክኤል፡ ወለተ፡ እኅተ፡ አቡሁ፡ ሎቱ፡ ብእሲተ፡ ወበዝ፡ ሱባዔ፡ ወለደት፡ ሎቱ፡ ወልደ፡ ወጸውዐ፡ ስሞ፡ ኖኅ፡ እንዘ፡ ይብል፡ ዘይናዝዘኒ፡ እምሐዘንየ፡ ወእምኵሉ፡ ግብርየ፡ ወእምድር፡ እንተ፡ ረገማ፡ እግዚአብሔር።

²⁹ ወበፍጻሜሁ፡ ለዓሥር፡ ወታስዕ፡ ኢዮቤልዉ፡ በሱባዔ፡ ሳብዕ፡ በሳድስ፡ ዓመቱ፡ ሎቱ፡ ሞተ፡ አዳም፡ ወቀበርቃ፡ ኵሎሙ፡ ደቂቁ፡ ወስተ፡ ምድረ፡ ፍጥረቱ።

³⁰ ወሰብዓ፡ ዓመተ፡ አሕጸጸ፡ እምዐሠርቱ፡ ምእት፡ ዓም፡ እስመ፡ ዐሠርቱ፡ ምእት፡ ዓመት፡ አሐቲ፡ ዕለተ፡ ውስተ፡ ስምዐ፡ ሰማያት።

³¹ በተፍጻሜቱ፡ ለዝንቱ፡ ኢዮቤልዉ፡ ተቀትለ፡ ቃየን፡ እምድኅሬሁ፡ በአሐዱ፡ ዓም፡ ወወድቀ፡ ቤቱ፡ ላዕሌሁ፡ ወሞተ፡ በማእከለ፡ ቤቱ፡ ወተቀትለ፡ በእበኒሃ።

³² በእንተዝ፡ ተሠርዐ፡ ውስተ፡ ጽላተ፡ ሰማይ፡ በንዋይ፡ ዘቀተለ፡ ብእሲ፡ ቢጾ፡ ቦቱ፡ ይትቀትል፡ በከመ፡ አቍሰሎ፡ ከማሁ፡ ይግበሩ፡ ሎቱ።

³³ ወበዕሥራ፡ ወኃምስ፡ ኢዮቤልዉ፡ ነሥአ፡ ሎቱ፡ ኖኅ፡ ብእሲተ፡ ወስማ፡ ዕምዛራ፡ ወለተ፡ ራኪኤል፡ ወለተ፡ እኅቱ፡ ሎቱ፡ ብእሲተ።